Ang dugo nga mitulo sa samad sa akon kasingkasing
Puwang tinta nga milama sa panit sa akong pagbati,
Ug dugayng’ mapapa bisan hugasan pa kini nimo
Sa imong laway
Ug pahiran pa kini
Sa imong palad.
Dugay miundang ang pagdugo sa maong samad
Bisa’g gisampongan ko kini og dahon sa paglaum,
Gihiktan og taas nga panapton sa panahon,
Ug human tambali sa mertayolet
Sa kalagot, gitabunan sa gapas
Ug plaster sa kalimot.
Karon, ang samad, kay samad man kini, sa iyaha ra misira,
Mikugan ug miuwat, apan ang kangutngot sa imong
Pagbudhi ug pagbiya kanako motumaw
Sa kabugnaw tunga-tunga sa kagabhion,
Ug walay sipyat nga motandog
Sa akong kabukogan.
ABOUT THE AUTHOR
Haidee Emmie K. Palapar
- 34 years old
- born on December 27, 1977
- Status: Single
- has no children
More details about the author: http://www.slideshare.net/ayheytyu/about-the-author-of-samad
Click here for the poem analysis: http://www.slideshare.net/ayheytyu/about-the-author-of-samad
No comments:
Post a Comment