KUNG AKO...

Kung ako imong higugmaon, di ka magmahay

Kay ihatag ko ang imong kalipay

Kalipay nimo nga mag anam-anam ug patay

Sa kasing-kasing ko, bahala nani bai!

Tabukon ko man ang isla sa Mactan

Buhaton jud nako ang tanan

Ikaw lang ang maabtan

Magpamatuod jud na ako gugmaan

Kahinumdom ko nga ako nay hinigugma

Katong ga-edad kog katorse pa

Bata pako, walay buot ug tanga-tanga

Pero akong gugma adto kay sineryoso ba!

Sa karon nga ako baynte anyos na

Mao ra gihapong istoryaha

Ingon ana gihapon mahigugma

Buhaton nako tanan kung ako imong higugmaon

Apan ako nagdahum na unta mao sad imong buhaton.

INIHAP NALANG...

Inihap nalang ang mga adlaw sa bulan

Inihap nalang ang mga adlaw na basin kita magka-uban

Inihap nalang ang mga adlaw nga kita magkakita

Giihap ko ang mga adlaw kay ako mugradweyt na.

Sa akong upat ka tuig diri sa Sugbo

Daghay mga di malimtan na mga panghitabo

Hilabina kung gugma ang hisgutan

Ikaw rajud ang akong madumduman

Apan unsay nahitabo sa matam-is mong mga saad?

Sama ra diay ka sa mga kawatan ug mangingilad

Mao kinahanglan nako ikaw malimtan

Kay ako ra jud ang gansi ug nag- antos ani man

Inihap nalang ang mga adlaw nga kita magkakita

Giihap ko ang mga adlaw kay mupuyo nako sa Manila.

Maayo sad na mao nay gusto sa akong ginikanan

Kay kung magpabilin ko sa Sugbo, dili jud tika malimtan.

INGON SA AKONG GINIKANAN

Ingon sa akong inahan ug amahan

Dili sila musugot ug ganahan

Nga ako mu-eskwela sa Sugbo nga mga eskwelahan.

Ingon saakong ginikanan ug sa uban

Daghay tulisan, mangingilad, kawatan

Ug dilikado kung mag-inusara ka sa Dakbayan.

Apan tinood gyud diay silang tanan

Ika-tulo natulisan, nailad ug nakawatan

Ning kasing-kasing kong ikaw ra ang gisaligan.

GADAHOM GIHAPON

Angay pa ba ako kanimo maghuwat?

Kanimo nga hinungdan ni-ining uwat

Uwat adtong imo akong gibiya-an

Uwat nga ikaw walay gimahayan.

Imong ingon, sa ako ra ka malipay

Imong ingon, gusto ka ako hayahay

Imong ingon, di ko nimo pasagdan

Imong ingon, di ko nimo biya-an.

Ikaw usab mi-ingon nga atong gugma hantod sa kahangturan

Nga tanan mga pulong mo kay ma-o ang kamatu-oran
Ikaw usab mi-ingon ako ra imong higugma-on

Ug hikalimtan mo na ang imong kagahapon.

Apan unsay nahitabo sa matam-is mong mga sa-ad?

Sama ra di-ay ka sa mga kawatan ug mangingilad.

Apan bisan pa imong gi-pili imong kagahapon

Ani-a ako sa su-ok gahuwat ug gadahom nimo gihapon.