GADAHOM GIHAPON

Angay pa ba ako kanimo maghuwat?

Kanimo nga hinungdan ni-ining uwat

Uwat adtong imo akong gibiya-an

Uwat nga ikaw walay gimahayan.

Imong ingon, sa ako ra ka malipay

Imong ingon, gusto ka ako hayahay

Imong ingon, di ko nimo pasagdan

Imong ingon, di ko nimo biya-an.

Ikaw usab mi-ingon nga atong gugma hantod sa kahangturan

Nga tanan mga pulong mo kay ma-o ang kamatu-oran
Ikaw usab mi-ingon ako ra imong higugma-on

Ug hikalimtan mo na ang imong kagahapon.

Apan unsay nahitabo sa matam-is mong mga sa-ad?

Sama ra di-ay ka sa mga kawatan ug mangingilad.

Apan bisan pa imong gi-pili imong kagahapon

Ani-a ako sa su-ok gahuwat ug gadahom nimo gihapon.